Bostak 

 eta  

 laurenak

GOGOAREN BAITAN

John Hiatt / Anje Duhalde

Erabaki nuen

tinko ta fermuki

ez zitzaidala gertatuko,

maitasun sareetan

ez nintzela berriz

ustekabean eroriko.

Bi begi izpitsu,

irrifar ezti bat,

izan dira nere galtzaile.

Geroztik hor nabil

arantzetan dantzan,

ezinezko amets sortzaile.

Urrezko txanpon bat

eman gogo nuke

sorgin bat bilaka bane(n)di,

ezina egikor

aldatzeko a(d)ina

gezurra bihurtzeko egi.

Zer den ona edo

zer ote den txarra

jakin beharko nukeelarik.

Sumendi gainean

erretzen ari naiz.

Ba al dago irtenbiderik ?

Zu hor zaude,

dantzan, jauzitan.

Zer de(a)bru, bada,

pasatzen zait

gogoaren baitan?

 Geroak zer dakar?

Ez dut pentsatu nahi,

uneak nahi ditut bizi.

Lau egun dira ta

bi, omen, lainotsu;

galtzera ez ditut nahi utzi.

Hitzaren jokoan,

itxura emanez,

gorde nahiko nuke dena.

Biluzia nauzu

izan zarelako,

egoera honen sormena.

 Erabaki nuen

tinko ta fermuki

ez zitzaidala gertatuko,

maitasun sareetan

ez nintzela berriz

uste gabean eroriko.

Bi begi izpitsu,

irrifar ezti bat,

izan dira nere galtzaile.

Geroztik hor nabil

arantzetan dantzan,

ezinezko amets sortzaile.

ZU HOR ZAUDE,

DANTZAN, JAUZITAN.

ZER DE(a)BRU, BADA,

PASATZEN ZAIT 

GOGOAREN BAITAN?  (2 aldiz)

BIZIRIK GAUDELAKO

Brendam Graham  /  Olatz Zugasti

Nahiago nuke banitu

hegal bizkor zabalak,

joan ahal izateko

aise zure ondora

ta belarrira xamurki esan

nik maite zaitudala,

piztu dizudan zuziak

zugan iraun dezala.

 Kantu hau nahi dizut

eman zuri, herria,

gu gara iturri zaharreko... (2)

ur berria!

Oraindik hazi asko dut

zuregan landatzeko

esan ez ditudan hainbat

olerki eta asmo.

Elkar lotzen gaituzten sokak

ez dira apurtuko,

bizirik gauden artean

bizirik gaudelako.

Kantu hau nahi dizut

eman zuri, herria,

gu gara iturri zaharreko... (2)

ur berria!

Ahal zutena eman zidaten

ta erakutsi itzultzen,

handia banago ere

zure albora etortzen;

ez baititu semeak amak

inoiz alboratzen.

Ni zurea, zu nirea

beti izan gaitezen.

Kantu hau nahi dizut

eman zuri, herria,

gu gara iturri zaharreko... (2)

ur berria!

HARITZAREN ENBORRA

Doinua: Pablo Olabarrieta

Hitzak: Iker Garitagoitia Astigarraga 

Orduak lapurtu nahian

egunak ez du nahikoa:

izerdi tantak uzten du

bere arrastoa.

Errautsetatik hasita

putz egin nahia gakoa:

sua mantentzeko asmoz

badabil hauspoa.

= = = =

 Ezkurra batu ostean

izan liteke altxorra,

baina ura eskatzen du

badago lehorra.

Ez da lurrean sartzea,

edozerk ahal du izorra,

zaintzarik gabe ez baita

ereiten enborra.

= = = =

Itzal arteko eskuak

erori bako promesan,

irribarre bat ahoan

bihotz gazi-gezan.

Hitz hauek zuentzat dira,

danok ohartu gaitezan:

zenbat egiten duzuen

zutik jarrai dezan!

GREZIAKO ITSASONTZIA

Lluís Llach  /  Xabier Lete

Itsaso gaindik ikusten baduzu

gure gogoa daraman ontzia,

ez zazu pentsa 

galduta doanik,

argitzen baitu 

goizeko eguzkia.

Hainbeste amets 

negar ta desio

ez du ekaitzak ondora botako.

Salbatuko da goizeko ontzia

kaiaren bila hegaka joateko.

Arraun berriek eramango dute

bide zaharretik askatasunera.

Oihal zuriek haizea bildurik

gure arnasa 

biltzen den batera.

Ez du ekaitzak ondora botako.

Salbatuko da goizeko ontzia.

TABERNAKO ARGIAK

McOnak

Zazpi itsasoetako olatuak

sentitu ditut txalupa zaharrian

Orain hemen gaude 

mozkorturik abesten

Kantauriko kai txiki honetako 

txoko ilun batian

Karibeko ur gardenetan dzangan,

Terranoban hazurrak dardarka

Itsas milak asko, 

baina ez naiz iritsi

itsasoa ta zerua batzen diren 

marra hortara.

Ez al dakizu arnasa falta zaidala

errekan gora noan bakoitzian?

Arrainen antzera itota 

itsasotik apartatzian.

Harrapatu gaituzte 

tabernako argiak.

Marinel bakartion 

bizimodu tristia!

Kamarero, atara eizu 

azkeneko rondia!

Egunsentiarekin 

daukagu partitzia.

Portuetako lamien lilura

marrazo gosetien horzkada

Lapurtutako bihotz zati txikiak

dauzkat itsas labar ilun eta 

ozeano azpian.

Ez naiz txintxo, pekatu gabia,

etxean nahi duten printzipia.

Infernuko ateak zabaldu arte

itsasoari zor diot 

nere gorputz ta izatia.

Ez al dakizu arnasa falta zaidala

errekan gora noan bakoitzian?

Arrainen antzera itota 

itsasotik apartatzian.

Harrapatu gaituzte 

tabernako argiak.

Marinel bakartion 

bizimodu tristia!

Kamarero, atara eizu 

azkeneko rondia!

Egunsentiarekin 

daukagu partitzia. (2)

ELKARRI  IRAKATSI

(Teach The Children)

Crosby, Still and Nash

Itzulpena: Josu Zarate

Zuk, guraso horrek,

bizi arauak 

behar dituzu izan.

Zu zeu izan zaitez,

iragana joan egin baita.

Seme-alabei

erakutsi zuk bizitakoa;

zure ametsekin

segiko dute euren bidea.

EZ EGIN GALDERA LAR,

EKAR DEZAKE NEGARRA.

BEGIRA, HARTU ARNASA:

MAITE ZAITUZTE!

-  -  -  -  -

Ta zuk (entzun),

gazte horrek (axola dizu),

ezin jakin (ikusi)

gurasoen beldurrak (aska gaitezen)

Odol gaztez (erakutsi)

izan zaitez (sinisten duzuna)

egia aurki (bizitzeko)

dezaten lagun (mundua eraiki)

Aita-amari ere erakutsi

seme-alabek bizitakoa;

zure ametsekin

segiko dute euren bidea.

EZ EGIN GALDERA LAR,

EKAR DEZAKE NEGARRA.

BEGIRA, HARTU ARNASA:

MAITE ZAITUZTE! 

GAUR GURUTZATU GARA

Mikel Urdangarin

Gaur gurutzatu gara 

sarritan antzera,

zu bertan jezarrita 

ni kalean behera.

Zure itxura ez da 

betiko berbera,

begion tristezia 

ohikoa ete da?

Gaur ondora natortzu 

lagun egitera.

Eskua hartu dautsut:  

- Egun on, amama.

Zelan dabil gaurkoan 

gure auzoko dama?

Aurpegi zimurtua 

present iragana;

Berbarik ez, keinu bat 

zuzenduz nigana;

irribarre honegaz 

esan dozu dana.

- Ez al daukazu, seme, 

inorako asmorik?

- Lagunengana noa, 

ez dago presarik;

zeuk be bazenduala 

dantza-kuadrillarik

ta urteak doazela 

konturatu barik…

- Zoaz, gazte, ez galdu 

nigaz denborarik.

=  =  =  =

Atzo larogeita bost 

soinean jantzita,

zeinek esango leuke 

hain maja ikusita!

Lobak ein eutsuela 

egunez bisita,

baina gaur bizitzagaz 

eukiela zita…

Beitu, amama, zelango 

oskarbi polita!

=  =  =  =

Denboraren jagole  

ta haren menpeko,

poztasunik balego 

zeugaz banatzeko…

Mosu bat emon dautsut 

irri bat hartzeko;

biharko lotu gara 

kartetan eiteko,

irabazita ondo, 

galduta hobeto.

ARRATSALDE HONETAN

Sorotan Bele

Itxaroten ari gera 

arratsalde honetan

zerbait aurkeztekotan 

jende honen aurrean.

Hemendik ateratzeko 

kanta berri baten bat,

zuek ez aspertzeko 

arratsalde honetan.

Honetan, honetan, honetan...

Lauzpabost akorde jota 

gitar(ra) zahar honekin,

dantzatzeko doinua 

ez dugu besterik.

Bi laguneko koadrila 

izerdi patsetan

nahiko izango dira 

arratsalde honetan.

Honetan, honetan, honetan...

Taupadetan dut bihotza,

 dirua galtzetan,

dantza egiteko gogoa 

daramat zainetan.

Gitar-bibolin doinuak 

jarraituz badaukat

dibertitzeko gaia 

arratsalde honetan.

Honetan, honetan, honetan...

DENBORA 

EZ DA PASATZEN

Jon Maia / Hezurbeltzak

Azalak memoria du

ta memoriak azala,

ez dut gogoratzen behingoz

ahaztu behar zaitudala.

Momentutxo bat sartu naiz

zure besoen artean

eta betirako preso

sentitu naiz bat-batean.

Ez det inora joan nahi

zurekin nagoenean,

baina ez dakit non egon

doana zu zarenean.

Denbora ez da pasatzen

nahiz ta egunak igaro

zu gabe min ematen dit

baina zurekin gehiago.

Ohe bat iruditzen zait

zure eskuaren ahurra

azpian ezkutatzen den

munstroari diot beldurra.

Erretzaile ohia, berriz,

jausten da bat probatuta;

neri hori gertatzen zait

zuri behin begiratuta.

Ez dakit egiten dezun

nahi gabe edota nahita,

baina zure perfumea

daukat atzetik jarraika.

Denbora ez da pasatzen

nahiz ta egunak igaro

zu gabe min ematen dit

baina zurekin gehiago.

-  -  -  -  -

Taberna hortan oroitzen

zaitut barrezka dardotan,

ohartzerako malkoek

diana jo dute ardotan.

Egon naiz argazki denak

ezabatzeko zorian

baina tatuatu dizkit

nostalgi-ak  memorian.

Ze min ematen didaten

bagenduk eta bazinak

mingainean iltzaturik

daramatzadan piercinak.

Denbora ez da pasatzen

nahiz ta egunak igaro

zu gabe min ematen dit

baina zurekin gehiago.

 -  -  -  -  -

Beti izango da hobeto,

badaezpada, esatea:

"ondo nago, ez kezkatu,

ez zaitut maite, maitea”.

Denbora ez da pasatzen

nahiz ta egunak igaro

zu gabe min ematen dit

baina zurekin gehiago.

Denbora ez da pasatzen

nahiz ta egunak igaro

askatu ninduzunetik…

korapilatuta nago.

KRIOLINAK

Herri kanta / Pantxoa eta Peio 

Bertsuak nahi ditut 

orai atera

Ixilik banindago, 

banuke pena;

bainan neke da:

Kriolinez besterik 

solasik ez da.

Hauxe da besta!

Satanek ez zezakeen 

hobeki pentsa!

Hamalau berga oihal,

ez da itsusi

Kriolina batentzat 

ez dela aski!

Ez gaituk gaizki!

Moda berri lehenik 

nork du ikasi,

egiten hasi ?...

Paga nezake ongi, 

nor den banaki.

Iragan egun batez 

zen komedia,

Plaza baten gainean, 

ikusgarria;

hango irria!

Andre bat zen karrosan 

igan nahia:

ezin abia!

Karrosan ez zion sar... 

gibelaldia!

Postilluna -kaskoina-

 juramentuka,

Kriolinari a(r)i zen 

beti pusaka:

"Oi zer dun hanka!..."

Bazterrak hautsi nahiz, 

zalapartaka,

kopeta joka,

"Karrosan ez ditaike 

hola enbarka!"

Lehen mintzatu ginen 

gu, elgarrekin,

Artoz ezin asea zela gurekin;

bazen zer egin!

Orai andreak, denak 

kriolinekin,

alabak bardin!

Norat ari zaizkigun,

nork diro jakin?

HEGAL EGITEN  (ITOIZ)

B.Atxaga / J. C. Perez

Neukan guztia zen amets bat,

amets bat;

beti egoten nintzen

haren bisitan zai,

haren bisitan zai.

Ai! Ene amak euria eta

baso ilunak seinalatzen zizkidan:

“Ez, ez, ez dira etorriko inoiz. 

Etzazu holako ametsik egin, ez”.

Mantso zihoan denbora niretzat

leihoan jarrita euriari begira.

eta jendeak zion: mutil horrek

amets bat bakarrik dauka.

Baina egun baten, 

esnatzerakoan,

txantxangorri bat 

ikusi nuen gelan;

ta gero beste, beste bat 

ta beste bat…

Inguratua nengoen!

Oh, txantxangorriak 

gelako sapaian,

gelako sapaian.

Oh, txantxangorriak 

gelako sapaian!

Orain herritik 

mutil bat falta da.

Ez dago inor 

bere etxeko leihoan.

Baso ilunetan 

dabil hegaletan

txantxangorriak bezala.

Orain badu 

bihotz nimiño bat

eta bi hegal 

bi hegal euriz bustiak

Bularra du ere 

gorri kolorekoa eta

eta txantxangorria da.

Txantxangorria naiz 

baso ilunetan,

bete zait ametsa 

baso ilunetan,

txantxangorria naiz 

baso ilunetan,

bete zait ametsa… 

txantxangorria naiz!

Txantxangorria naiz 

hegal egiten,

Hegal egiten, hegal egiten

Hegal egiten, hegal egiten…

Hegal egiten, hegal egiten…

EPERRA

Eperrak badititzü

bere bi hegalak

bai eta bürün gañin

kokarda ejer bat.

Zük ere

balin bazünü

gaztetarzün ejer bat 

neskatilen gogatzeko 

bilo holli pollit bat.  (2)

Amorosak behar lüke

izan lotsagabe

gaiaz ebiltia

ez üken herabe.

Egünaz ebiltia

desohore leike,

txoriak ere oro

haier soz dirade. (2)

=  =  =  =  =

Ebili izan nüzü

gaiaz eta beti

eia atzamanen nianez

lili ejer hori.

Azkenian atzaman düt,

oi bena tristeki,

lümarik ejerrena

beitzaio erori. (2)

“Lai-lai-lai…”

LAU TEILATU  (Itoiz)

Juan Carlos Pérez

Hemen gaude ta poztutzen naiz

ta ziur zure aita ere bai…;

ta zer ondo…  zelan dijua

zure bufanda txuria.

Lau teilatu ganian

ilargia erdian

  eta zu…   

goruntz begira.

Zure keia eskuetan

putzada batekin...   putz!

Neregana etorriko da…     

ta berriz izango gara

zoriontsu

edozein herriko jaixetan.

Goxo-goxo kanta egin nazu

Benitoren Maria Solt…

’z  negarrik ein,

txuri zaude ta malkoak

zure kolorea kentzen dute.

Lau teilatu ganian…

Feliz, Feliz bihar

berriz egongo gara

txanpain apur batekin;

diru gabe baina

izarrak gurekin daude,

piano baten soinuaz.

Lau teilatu ganian…

ITSASALDEKO TRILOGIA:

ARRIVEDERCI, MIRENTXU

Frankie y los Matadores  /  

Irune eta Andoni Argoitia anai-arrebak

Arrivederci, Mirentxu,

itsasora joan behar degu.

Zurekin gogoratutzen 

egongo naiz gau ta egun.

Bazenki zenbateraino  

bihotz honek maite zaitun!

Zu barik ezin naiz bizi,

 Arrivederci, Mirentxu.

Zure irudi laztana

egunez ta gauean

ikusten bizi naiz ni 

urruti nagonian.

Kai(e)ra natorrenian,

maitia, sinistu zazu,

pozarren zu ikusteko,

Arrivederci, Mirentxu.

KOLDOBIKE 

Bermeoko kanta 

  Kai aldeko hegal baten 

  abesti hau 

  entzun neban.

  Gazte bat zan, 

  bermiotarra,

  maitea eban 

  bere gogoan.

 Koldobike, neure maite, 

 zu zaitut zorionen ate.

 Atseginez nauzu bete   

 gau honetan 

 niganatu zaite.

 Ahots eder ta itoaz 

 maiteari deika egoan,

 barrua ilun eta bakar,

 izarrik ez zan 

 haren zeruan.

 Koldobike, neure maite, 

 zu zaitut zorionen ate.

 Atseginez nauzu bete   

 gau honetan 

 niganatu zaite.

 Etxe barik, inor barik,

 hemen nauzu 

 gaur bakarrik.

 Nire bihotzak 

 ez dau pozik,

 ez dago inon 

 Bermio lakorik!

Koldobike, neure maite, 

zu zaitut zorionen ate.

Atseginez nauzu bete   

gau honetan 

niganatu zaite.

ITSASONTZI BATEN

Kaxiano

Itsasontzi baten

Euskal Herritik kanpora

naramate eta ez dakit nora. (2)

Agur nere ama laztan goxoari,

agur nere maite politari.

Ez egin negar, etorriko naiz

egunen baten pozez kantari.

- - - -

Ez egin negar, etorriko naiz

egunen baten pozez kantari.

Itsasontzi baten

Euskal Herritik kanpora

naramate eta ez dakit nora. (2)

Agur senideak, agur lagunari,

agur Euskal Herri osoari.

Ez egin negar, etorriko naiz

egunen baten pozez kantari.

- - - -

Ez egin negar, etorriko naiz

egunen baten pozez kantari.

Gora Euskal Herri, 

Gora Euskal Herri,

Gora Euskal Herriari!

ZUREKIN BATERA

ETS

Zenbat aldiz marraztuko nuke

zure besoetan etorkizuna.

Zenbat aldiz aurkituko nuke

zure usainaren oroitzapena.

Zenbat aldiz itxarongo nuke

aurrez aurre egoteko hitzordua…

egunak hobeak baitira

zurekin batera.

Zenbat aldiz emango nizuke

kafe bat hartzeko dudan denbora.

Zenbat aldiz asmatuko nuke

zurekin egoteko aitzaki bat.

Zenbat aldiz entzungo nituzke

zure ahotik gure istorioak…

egunak hobeak baitira

zurekin batera.

Ta elkartuko gara berriro

gure betiko lekuetan,

zabalduko ditugu besoak

besarkatuz gure arimak

ta amestuko dugu gauean

oraindik gelditzen zaiguna,

egunak hobeak baitira

zurekin batera… zurekin batera.

Zenbat aldiz ospatuko nuke

behar dudanean zu hor zaudela.

Zenbat aldiz ulertuko nuke

zure begiradetan aholku bat.

Zenbat aldiz esango nizuke,

besterik gabe, maite zaitudala…

egunak hobeak baitira 

zurekin batera.

Ta elkartuko gara berriro

gure betiko lekuetan,

zabalduko ditugu besoak

besarkatuz gure arimak

ta amestuko dugu gauean

oraindik gelditzen zaiguna,

egunak hobeak baitira

zurekin batera… zurekin batera.

=  =  =  =  =

Ta elkartuko gara berriro…

BARATZE BAT

Pier Paul Berzaiz

Hau da egün ederra,

mila txoriek kanta.

Tziauri ene erregina,

besuak zuri dititzüt para.

Baratze bat nahi deizüt egin

amets segretienekilan.

Liliak egün jauntzi ederrenetan

mila kolorez dantzan bihotzetan.

Gai beltz ta sakonetik

rlkitzen nüzü hoztürik,

bihotza hain tristerik,

hitaz hainen berantetsitürik.

Baratze bat nahi deizüt egin

amets segretienekilan.

Liliak egün jauntzi ederrenetan

mila kolorez dantzan bihotzetan.

Karrosa bat hor dügü

kanpuan gure haidü(rü).

Ez gal habo(ro) denbora,

hiskor beitago amodiua.

Baratze bat nahi deizüt egin

amets segretienekilan.

Liliak egün jauntzi ederrenetan

mila kolorez dantzan bihotzetan.

Maitarzün berriari

ilargiak dü argi;

emanen deio aski,

gük alkar maita dezagün beti.

Baratze bat nahi deizüt egin

amets segretienekilan.

Liliak egün jauntzi ederrenetan

mila kolorez dantzan bihotzetan.

POTTOKA

B. Irazabal, B. Eyherabide

Pottoka mendian 

jauzika ibilki,

buztana airean 

salbaia iduri.  

Ezin harrapatuz 

Txomin da erori

pottoka nausi da 

gure gizonari. (2)

Tiki-tiki tan-tan, Tiki-tiki tan-tan,

Tiki-tiki tan-tan, Dan Dan Dan

Tiki-tiki tan-tan, Tiki-tiki tan-tan,

Tiki-tiki tan-tan, Dan Dan Dan

Gure gizonari!

La-la-la-la, la-ra-la-la-la-la…

Denboran pottokak 

ez emaiten sosa

ez zuen, ez, egiten 

Parisen afera.

Neuilly-n ibiltzeko 

ez zuen usain ona

adixkideendako 

ez aski ederra. (2)

Tiki-tiki tan-tan, Tiki-tiki tan-tan,

Tiki-tiki tan-tan, Dan Dan Dan

Tiki-tiki tan-tan, Tiki-tiki tan-tan,

Tiki-tiki tan-tan, Dan Dan Dan

Ez aski ederra!

La-la-la-la, la-ra-la-la-la-la…

Txominek menditik 

jautsi du pottoka

ileak mozturik 

pentzetan emana.

Egun guziez hartzen 

bere azukrea

iduri du orain 

Vincenn(es)-en  sortua. (2)

BOSTAK ETA LAURENAK 

JOTA

Herri doinua / Bixente Martinez 

Hitzak: Joseba Ibarra

Bost lagun alkar hartuta

musikak harrapatuta,

holan gozatzen dogu-ta

euskal kantak abestuta.

Za(r)atamon alkartzen gara,

kantu, soinu ta algara,

gaur gabiz aldrebestara…

ardao apur bat atara!

Bostak eta laurenetan

hasten gara gu kantetan,

egun batzutan seiretan

serio gabiz, benetan!

Bat, bi, hiru, lau eta bost,

gu ez gagoz beti ados:

orain soinu, orain ahots,

hor gitarra, hor txistu-hots.

Zaatamon baso ta zelai,

ta txorien kanta alai,

kantuz JOSU, PABLO, UNAI,

JOSE ta JOSEBA be bai.

Bost eta bi dira zazpi

eta bat gehiago zortzi.

Gu hasieran bost ginen,

orain ia bederatzi.

EDURNEk kantu goxoa,

OSCARrek danborrak hautsi!

Zazpi gara, bost eta bi

…eta bat gehiago zortzi:

atzean MON eta GOROS.

Ea, eskuak erakutsi!

Upo mendian edurre

bota surtara egurre

sikatu ein jat zintzurre

ardaua edanez gero

ai, bihar zelako atxurre!

ai, bihar zelako atxurre

Upo mendian edurre.

GIZON ARRUNTAREN KOPLAK

Xabier Lete

Kantatzera noazu 

bertso bat edo bi

herenegun jarriak 

gizona arruntari.

Antoniyo, Lorentzo 

edo Joxe Mari,

gauza ederra denik 

ez ukatu neri.

Goizean jeikitzean 

lehenbiziko gauza,

ahoa zabaldu eta 

janzten ditut galtzak,

muturra garbitzeko 

nolako zalantzak!

ezin kendurik nabil 

loaren orratzak.

Kafesnia hartuta, 

horrekin batera,

ahal baldin badet behintzat 

noa komunera: 

aurrian papera 

ta atzian papera,

periodikua le(i)tuz 

ilustratzen gera.

Etxetikan lanera 

noa nahiko mantso.

Realak  4-1 

galdu zuen atzo,

kalian bi txakur 

ta beste hiru atso,

egun on Don Pepito 

eta Don Alfontso.

Gauzak gaizki dabiltza, 

hau da komeriya, 

Afganistan-en gerra 

piztu zuten iya,

tokatzen baldin bazait 

aurten loteriya

erosiko beharko det 

Citroën berriya...

ongi egon omen zan 

Tolosan feriya.

Ongi ikasi nuen 

gaztetan balsian,

karterari kontutzen 

txamarra galtzian:

Artxandako haiziak 

beruak baizian,

ederki egoten zen 

ohiaren atzian.

Ni lana egina naiz 

semiak hazteko,

haiek eskola ona 

xuxen ikasteko,

ikasi eta gero 

lanian hasteko,

ez ditezela izan 

bazterrak nahasteko.

Semeen semeetatik 

baitatoz semiak,

batzuek arrak eta 

bestiak emiak,

batzuek lodiyak ta 

beste batzuk miak:

horrela jarri zuen 

Jaunaren legiak.

Gaurko eguna ere 

bota degu, bada.

Gizon okupatua 

gauza ederra da.

Asko gustatutzen zait 

oiluaren salda,

Mugairen hasten baita 

Belateko malda.

Ez naiz ni gizon txarra, 

baina, zer arraio,

Fidel Castro izateko 

ez bainintzan jaio!

Musian egiten det 

makina bat saio,

andriaren onduan 

afaldu det iaio,

orain ohera noa, 

bihar arte, aio.

Bihar arte... aio!